今午（8日）沙田馬場國際賽日，四場G1當然係焦點，呢項年度盛事亦畀本地同海外馬圈中人聚首一堂。

其中，日本大馬主大川徹於世界各地都有養馬，目前在港就有「醒目再臨」（蘇偉賢馬房）。

此駒於上季國際賽日由當日在港客串的日本騎師岩田康誠建功，爆出22倍冷Win。

相隔一年，「醒目再臨」食過翻尋味，再次報戰四班1400米，咁啱呢場賽事同上季一樣編為頭場，而且「醒目再臨」同嗰陣贏馬一樣，都係抽到最外的14檔起步，認真巧合。

岩田今次冇份征港，「醒目再臨」配上於東灜如日中天的法國籍名將李慕華。

正如Chris蘇偉賢話「醒目再臨」上季及今季國際賽日的騎師人選都由馬主自行安排，馬房亦樂於配合做好準備。

去年同日，「醒目再臨」克服大外檔，沿途走位14-14-14-1，直路追過所有對手，彈甩亞軍一又四分三馬位勝出。

此駒今季暫時三戰，都在較惡搞的第三班作賽，亳無表現可以理解。

如今趕得切減夠分於大日子回師第四班，形勢上可謂豁然開朗，話唔定到時又可以幫大川先生揚威凱旋門。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇