聲稱考第4都會喊嘅特首林鄭月娥，唔使喊喇，因為佢嘅施政倒行逆施，搞到天怒人怨，百萬人上街創歷史，「政績」直逼前3任特首。有相信係教徒嘅人士則發起聯署，要求教宗將林鄭逐出教會，同時跪求上主收回林鄭自稱喺天堂「預留」咗畀佢嘅位置。話時話，相信除咗林鄭之外，冇乜人會自大到話自己喺天堂訂咗位囉。

呢次林鄭強推送中惡法，導致百萬人上街，有信徒睇唔過眼，噚日發起聯署，批評自稱「受上帝感召決定參選（特首）」，又揚言「喺天堂已經預留咗個位畀我」嘅林鄭，佢所做嘅「好事」經已違背上主旨意。聯署聲明提到，林鄭上場後搞明日大嶼、派4,000蚊又差不多兩年都兌現唔到，呢次「送中」惡法更引發百萬人上街，聯署並提到，國家主席習近平上台後連年拆十字架、拆教堂、搶教產等，「送中」惡法將人送去內地受審，等同提早結束一國兩制。

鑑於林鄭效忠嘅唔係港人、更唔係上主，而係中共呢個邪惡政權，聯署聲明認為，上主旨意係要人有尊嚴咁生活，見到任何人受欺壓、逼迫就要伸張正義，所以要跪求上主收回喺天堂預留畀林鄭嘅位，留番畀有正義感又遵行上主旨意嘅人，同時敦請教宗「絕罰」林鄭，將呢個背離上主、另奉中共為神、對香港施行邪惡之法嘅林鄭逐出教會。

昔日新聞：
電視辯論互叫熄咪 曾：你係撕裂2.0 林鄭：會順應民意辭職
相關新聞：【引渡惡法●三罷】6.12罷市！數百商戶參與（名單不斷更新）

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

-----------------------------
【新聞有價】6月17日起 繼續撐蘋果
http://bit.ly/2IJ24ZR