呢期除咗IronManhit之外，當然就係「巨鴨」RubberDuck啦！5月2日首航後，一直令尖沙嘴碼頭嘅人流多到插針都插唔入，唔少藝人朋友都去潮聖，紛紛前往一睹呢隻巨鴨嘅風采。話時話，唔知幾時開始大家咁鍾意呢隻黃色鴨鴨呢？有位藝人今日上載自己細個扮成可愛鴨鴨嘅相，仲話：「記得從小學三年班開始便愛上鴨仔，同鄉嚟咗香港，好開心可以會一會這個老友記，哈哈。」


佢係邊個？咪就係何傲兒囉。

原來何傲兒都係鴨迷，仲小三時扮鴨仔跳鴨仔舞，而何傲兒家姐何傲芝都留言：「這是我們這一家很好很好的回憶，還記得妳在家裡穿起這件鴨仔服練習鴨仔舞的樣子，我的妹妹太可愛了。」話時話，其實何傲兒個樣冇乜變過，都係咁靚女，最緊要係認得出呀，除咗靚樣外，原來佢雙腿都冇變過，一樣都係長腿。大家如果唔想出去同人鬥迫睇巨鴨，睇呢個可愛「鴨女郎」都唔錯啦！