八方翻查資料,港澳工作協調小組組長係韓正,下面有4個副組長,分別係國務委員楊潔篪、中央統戰部部長尤權、外長王毅同小明。睇返當日官方新華社發稿話,「韓正、丁薛祥、楊潔篪、尤權、王毅、趙克志等參加了會見」,即係除小明之外,協調小組正、副組長都到齊,該政圈好事之徒同八方講,一直有傳小明要為反送中謊報軍情、欺上瞞下問責,只係見佢之前仲去深圳座談會,以為佢時辰未到,但𠵱家咁睇,小明大有可能已被搣柴,冇得做港澳工作協調小組副組長,由趙克志呢個公安部長取代,至於佢港澳辦主任個位,怕且都係等時間被調走,但政圈好事之徒話咪以為小明燉冬菇一定係好事,換個公安部長做副組長,可能更加強硬。