【新增內容】

韓國天團BIGBANG成員勝利同國民女神郭碧婷主演電影《宇宙有愛浪漫同遊》即將於元宵佳節上映，今日戲中演員包括兩位男女主角及白冰、李少男、王梓軒等，仲有電影導演兼編劇陳思行（藝名陳加玲）齊集尖沙嘴傳，勝利喺電影中全程以普通話講對白，今日喺片場就以普通話同大家溝通搞氣氛，一展語言天份，見佢好努力學會外語，雖然有時都半咸半淡，但大家都聽得明。

喺台上勝利同郭碧婷一齊互動，勝利出場後話：「我願意和郭碧婷為電影做好一切，將人與人之間嘅愛推廣到全世界全宇宙。」 之後叫大家畀啲掌聲又以廣東話講多謝。勝利介紹戲中角色同自己現實相似，而第一次參與華語電影演出，勝利就話：「覺得韓國和中國好近，自己亦識少少中文英文，希望貼近大家，我好鐘意挑戰。」

郭碧婷大讚勝利多才多藝又識創作唱歌演戲，是個幾好玩嘅人，今次合作見到佢好多方面嘅樣子。勝利指自己稱呼郭碧婷為老師，因為自己拍攝電影缺乏經驗，老師給予他很多意見。司儀問到勝利和靚女合作會否緊張？勝利話：「會害怕，但開心。」勝利喺記者會上全程用普通話同大家溝通，力證冇語言障礙，佢話：「大約七至八年前已經學外語，自己堅持唔用翻譯，透過過程去明白語言，用多一年時間去學普通語，可以和大家談心事。」然後無啦啦就用廣東話同大家講點心好好味，勝利再話：「我好鍾意講嘢，同粉絲對傾計。」之後又用半鹹淡廣東話同大家講你哋開唔開心聽唔聽到，應傳媒拍照時送上心心手勢。

勝利同郭碧婷一齊接受傳媒訪問，被問及二人戲中有親熱戲會否尷尬？ 勝利話：「一次就可以，沒有NG，好緊張因為我真的沒有kiss演戲經驗，又緊張又害怕，於是說one take，努力one take， 對方就同意了。」郭碧婷表示沒有尷尬因為他很滑溜，被勝利稱為老師，郭碧婷：「也會害羞，畢竟他比我資深。」勝利謙虛地表示：「唔係，我演戲經驗不多。」二人透露喜歡塞班島拍攝嘅情景非常浪漫，問到郭碧婷你會否愛上勝利？ 她說：「當刻挺喜歡。」問到佢怕唔怕勝利粉絲會呷醋？勝利搶答話：「我的粉絲非常喜歡她。」郭碧婷就話：「當初最怕就是他的粉絲，不過現在過關了。」

勝利話戲中有一個情節好難忘，戲中係郭碧婷同佢講如果愛我嘅話就跳入海裏面， 結果勝利就真係跳咗入海游水，啲水仲去到頸，郭碧婷稱讚勝利好勇敢，為了拍攝到美麗鏡頭，就跳進海裏位置。BIGBANG成員太陽和閔孝琳結婚了，好友勝利話：「我給他唱歌，沒有送禮物，大家兄弟不用禮物。」幾時到勝利結婚？他表示未有拖拍，要再努力。

電影導演編劇陳思行藝名陳加玲，她表示以前用藝名，現在退居幕後用番自己真名好舒服。電影安排在元宵推出 ，一直有傳因為受到內地嘅限韓令影響，陳思行否認話：「原本係想舊年農曆年上，但做後期都做到五、六月，冇受限韓令是影響 ，國家都仲係有人情味嘅。」

王子軒喺戲裏面就演白冰嘅哥哥，同勝利都有啲對手戲，王梓軒好佩服對方係整套電影都用國語同大家溝通，令大家嘅關係更共融，仲爆勝利好鍾意跳舞，大家有時興起就會跳舞唱歌，如果好正經反而同佢溝通唔到。

勝利完咗電影宣傳後換番便服，大約晚上8點左右，佢離開尖沙嘴一間酒店，上咗七人車直達北京道一號晚飯。勝利落車時拎住電話，又插住「尿袋」叉電，見到有傳媒追訪影相，佢先係嚇到呆一呆，但當記者表明身份同佢打招呼，勝隨即友善展示笑面同揮手，非常親民。

最港電影大獎投票網址
http://bit.ly/thekongestfilmawards

更多韓流，喺晒《娛果》
http://fb.com/appledailyent