今年十一歲的良仔,性格樂天好動,常常渴望擁有一雙波鞋,踏着氣墊輕快地跑步打球,可是家庭經濟環境緊絀,此夢想一直只是空中樓閣,難以實現。
記者得悉良仔情況後,日前相約良仔放學後與其父親到運動鞋店挑選波鞋;進入鞋店後,良仔很快便揀選到心儀的白色波鞋,還喜孜孜地說白波鞋可於上課時穿着。
良仔母親在旁表示,早前學校曾舉辦便服日,要求學生不要穿着校服回校。「平時去街衫我哋都重有,但良仔得返學皮鞋同涼鞋,唔通着涼鞋返學咩,所以最終都係要着皮鞋返學,但冇辦法,屋企冇餘錢買波鞋畀佢。所以我好多謝《蘋果日報》善長捐助,達成良仔夢想。」