【信里一城】親中商人一邊愛國一邊出貨（小師兄）
蘋果日報 2020/06/17 15:00
小師兄信里一城
親中商人一邊高呼愛國，一邊出貨，真識時務。
A君是資深投資者，多年來展現愛國商人形象，早年經常舉辦飯局，請來中港兩地商人、建制派議員，穿針引線，長袖善舞，貫徹蛇齋餅糭文化，為了建立更緊密關係，甚至乎將其持有的物業以低市價出租予建制派人士作為辦公之用，以彰顯其愛國心。
奉獻多年，終於換來政協之名。廿多年來，每逢有現金，幾乎都買資產，遍及住宅、舖位、工廈，可以用「有入無出」來形容。愛國嘛，自去年社運至今，天天收到他支持國家、政府、克警的WhatsApp訊息，但忠邊個君？一邊高呼「唔怕」，又一反常態地出貨，他的出貨清單，除了其居所以外，居然都可以出售，甚至打正旗號「高佣政策」，其中「萬事可商量」之用字，不但違反以往「企硬」的姿態，更反映其出貨之急。難道賣產救生意？非也，他並非飲食、零售、福建、潮州之有關人士，簡單來講，無輸錢。
他的資產保守估計數個億元以上，至今已沽出超過10件，套現超過1億元，賣出已達三成一。或許你會問，是換貨吧？直接Sell他，又全無動靜，就算推介低市價筍盤，亦不像以往般雀躍，而是粒聲唔出。筆者心裏就有個謎：愛國商人一邊高呼支持國家，一邊又出貨套現？難道香港好唔掂？可憐筆者無膽量，惟有藉此跟他說：「着咗咁多年紅底，你想逃避『共了個產』？難了。」
-----------------------------
-----------------------------
-----------------------------