韓國男子組合MADTOWN今日嚟咗香港出席活動，睇嚟韓國人自己本身真係好鐘意食本土嘢，之前RunningMan光洙來港兩日都堅持食返韓國嘢，而MADTOWN佢哋今晚演唱完之後，一行人去到大坑浣紗街嘅「九重鮮」，嘆令香港人瘋狂嘅海鮮塔。

喺晚上10點45分左右，先有一兩個工作人員落樓，之後一行5人落到去一半有招牌嘅地方企埋影相，有成員仲專登除去外套晒肌肉，現場有3部追星車，Fans跟住佢哋又塞禮物俾佢哋，MADTOWN成員心情幾靚，Fans都有少少互動，搞咗一輪佢哋就上車走人。