據美國八卦網站《TMZ》爆料，現時效力活塞嘅A巴特利（Avery Bradley）涉嫌性侵一位真人騷女星，而兩人事後達成保密協議，有傳掩口費達40萬美金（約312萬港元）。

據悉呢位真人騷女星指控A巴特利喺今年5月23日，於克里夫蘭趁自己飲醉酒之後性侵。當時A巴特利仲係塞爾特人嘅球員，而當時綠軍正於NBA東岸決賽對騎士。有消息指A巴特利事後同呢位女士達成保密協議，要求後者收聲，亦唔可以透露任何相關嘅錄音、短片或相片；而談判過程之中，掩口費一度高達40萬美元，雖然唔知道最終金額係幾多，但《TMZ》就話唔低得去邊啦。

不過，A巴特利透過代表律師禾夫（Brian Wolf）就否認相關指控，仲話：「之所以同指控者達成協議，係唔想佢公開呢啲錯誤嘅資訊，繼而影響A巴特利嘅公眾形象。」

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM