103萬香港人昨日上街參與反送中大遊行，反對《逃犯條例》修例惡法，可惜政府漠視市民聲音，《逃犯條例》的修訂將於周三（12日）在立法會恢復二讀辯論，有網民發起6月12日罷工罷市的建議，身為網台「喱騷」行政總裁的杜汶澤，和「100毛」及「毛記電視」揸fit人林日曦均表態支持（相關新聞： https://bit.ly/2EXUA44）。

繼杜汶澤和林日曦後，原來譚小環亦加入行列。小環與老公蔡強榮開設有多間分店的小食店「渣哥 一九九六」，今日在facebook官網亦宣佈當日罷市一天：「我哋一直最在乎嘅，就係嗰浸『香港味』。但呢浸味成日俾人越吹越淡，我哋怕有朝一日，香港唔再似香港，香港人唔再似香港人，香港小食唔再似香港小食。所以決定(6月12日)星期三，全線拉閘停業一日。希望同大家一齊去搵番浸香港味。」

不少網民紛紛留言：「Thank you！」有網民多謝小環，指她「離開娛樂圈便可大聲說良心話」，另有網民表示：「平時比較少幫襯。今後會多多幫襯。」

其實昨日103萬港人大遊行反送中，小環老公蔡強榮也有參與，他並將相片放上FB寫道：「真係好多好多人，好多香港良心！」
------------------------------
【新聞有價】6月17日起 繼續撐蘋果
https://hk.adai.ly/GTPgDi0woX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9