當年今日
關於我們

【人在美國】崔碧珈買唔到直航機返港 下周回港須強制隔離14日

蘋果日報 2020/03/16 12:34

美國崔碧珈強制隔離

崔碧珈(Anita)早前飛抵美國接受動作訓練,老師是荷李活動作演員Tim Storms,日前才在社交網貼文,表示此行除了上堂,還要拍攝一個咖啡廣告,可惜廣告受武漢肺炎影響要取消,於是她急忙轉計劃,打算飛去邁阿密(Miami)避疫,享受陽光與海灘,未料港府昨晚(15日)突然宣佈,向美國、愛爾蘭及英國國發出紅色外遊警示,所有相關抵港人士都要接受家居強制隔離14天,新措施於3月19日零時零分起生效,打算急急返港的她,因為買不到機票,故已做好心理準備回港後接受隔離。
Anita今日在IG貼文寫:「本身今日出發去Miami諗住玩幾日,不過媽咪有啲擔心,所以都係留返喺洛杉磯繼續上堂。知道香港對美國入境嘅人有新措施,要強制家居隔離14天,惟有返嚟香港嘅時候,喺隔離期間除咗當休息之外,繼續睇劇本同埋自我訓練。」
《蘋果》今日聯絡身在美國的Anita,她透過短訊回覆表示:「其實媽咪見到我話去Miami已經急召我返香港,一來擔心疫情,二來怕我飛咗過去仲難有飛機走,點知今日瞓醒見到返港要隔離嘅新聞,買機票都買唔切,直航係完全full晒,如果要轉機返,都係趕唔到19號,咁不如照原定計劃下個星期三先返嚟。」
Anita續謂:「本來返嚟幾日都有一個廣告要拍,但係我要強制隔離嘅話,拍攝就要推遲,客戶好好,會等我隔離完之後就立即補拍。」問她可擔心要隔離14日會好悶,Anita指自己已做好心理準備,留室內會看書、看電影及做運動,媽咪會在她返港前替她準備好日用品及食品,她可以自己煮食,相信沒有問題。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
在美國做動作訓練。(IG圖片)
empty
其中一位老師是荷李活動作演員Tim Storms(IG圖片)
empty
(IG圖片)
empty
在美國無事忙,崔碧珈約友人見面,順便玩下狗仔。(IG圖片)