由抗暴之戰到武漢肺炎， 香港 取消了逾600場演唱會，隨着 疫情 逐漸平息，演唱會亦見復蘇，繼張敬軒宣佈11月在紅館開騷後，今日梁漢文（Edmond）亦在社交網宣佈，將於10月尾假紅館舉行第5次演唱會。

Edmond寫道：「今日有好消息同大家公佈！YEAH！公司通知我，已經定好今年十月尾會喺紅館開我第五次個人演唱會！如果疫情一直轉好，我會唔會係香港第一個歌手喺紅館開番演唱會呢？大家同我一齊集氣！十月尾生活回復正常，我們於紅館相見！」Edmond還拍了一掃街買零食、墨魚、生腸的短片，說：「而家我去慶祝吓先，買晒我鍾意食嘅嘢，一次食爆佢。」

對於10月尾再進軍紅館，Edmond接受訪問表示 ：「我覺得應該抱住正能量繼續生活，唔可以因為疫情就像世界停頓咗一樣。所以當初公司同我商量話入紙，我都好贊成，行咗先，做咗先，咁紅館又批咗，就當一切正常，努力籌備一個精采騷，等疫情過去。而家咩都未定㗎，只係定咗個期，呢排開始約開會籌備，仲有錄緊新歌。」

問到是否有信心疫情能竭止？他說：「我估唔係我一個人對疫情要有信心，全世界都要對疫情抱有信心，每一個人都希望可以返去正常生活。所以我咪叫大家一齊集氣啦，希望好快香港日日零感染，我哋都可以正常生活啦，咁當然公司都做好兩手準備，如果到時疫情真係大爆發，就會另有安排。」