【冇得上台唱《人話》】方皓玟被網民力推攞女歌手 取消叱咤感失望
蘋果日報 2019/12/04 18:30
森美方皓玟叱咤頒獎禮願榮光歸香港
商台宣佈取消明年1月1日舉行的叱咤樂壇頒獎禮，改以其他形式頒發全數共43個獎項，有網民質疑跟政治因素有關，事關網民力推《願榮光歸香港》攞「我最喜愛的歌曲」、方皓玟攞「我最喜愛的女歌手」唱《人話》、RubberBand攞「我最喜愛的組合」。
方皓玟剛出新歌《人話》寸爆克警，網絡紅人King Jer在網上發起「滾動民調」活動，方皓玟以大比數力壓容祖兒、謝安琪深得民心，對於叱咤頒獎禮取消，方皓玟以短訊回覆《蘋果》：「叱咤樂壇頒獎禮是一個傳統，收到取消的消息固然失望，不能現場進行當然少咗好多感動嘅畫面，但係我相信歌手們，包括我自己製作音樂嘅初衷，從來都不是為了獎項。獲獎係錦上添花，但更重要是作品可以產生共鳴感動樂迷，希望大家繼續支持香港歌手以及廣東歌。」
樂隊RubberBand的鼓手泥鯭在電話說：「係好可惜，因為呢個係認受性好高頒獎禮，尊重商台決定。」問到會否覺得涉政治因素？泥鯭說：「呢個唔可以代商台答，但反修例活動半年有多，好多活動都取消，咁你話政治有冇影響，你衡量吓啦。」
至於每年都有份擔任叱咤司儀的森美則說：「我覺得公司決定都好嘅，因為人數眾多，歌手比較集中，喺咁動盪時候，都要以安全為重，而投票都係照舊，香港人想投選自己心愛歌曲唔會改變，賽制亦唔會改變，呢樣好緊要，頒獎禮唔係冇咗，只不過形式唔同；如果大家投最喜愛歌曲，商台阻止唔好，佢哋投咗就係嗰個，都會照頒，正如上年頒畀坤哥（吳業坤），我哋喺台上都講：『你哋肯投，我哋肯頒』。」
