「你都黐筋嘅！」呢句咁地道嘅香港話，可能係唔少人嘅口頭禪，但由「周老闆」講起出嚟，總係特別親切，畢竟佢同份人知書識禮嘅「孻表叔」同後欄皇后「祥嫂」，陪住大家喺「十八樓C座」，經歷50年高山低谷。香港可唔可以50年不變，大家當然仲未知；但呢套商台長青廣播劇，卻可以經歷時代變遷，始終保留特色50年不變，確實值得紀念。

商業一台特別喺今年設計咗一套12款嘅「十八樓C座」紀念郵票，透過遊戲送畀聽眾；劇中嘅聲音演員，會喺呢批郵票真人露相，當然會配埋佢哋嘅口頭禪，先至夠傳神，切實反映各自代表嘅階層。特別之處更在於當中仲有商台荔枝角原址，以及舊時播道現址嘅相片，泛黃舊照片，卻相當令人懷念。

68年啟播至今，仍然能以一杯金牌咖啡，凝聚一班茶客；嬉笑怒罵，諷刺時弊，一間周記茶餐廳，成就咗港人嘅集體回憶。

立會補選新聞，《蘋果》一網睇晒：
http://bit.ly/appledaily1125