【老公吻賀】胡美儀舊曆生日繼續工作 正修讀碩士課程
蘋果日報 2020/06/24 16:58
胡美儀毛俊輝
今日胡美儀是64歲舊曆生日，她如常開工到新城電台做節目，丈夫毛俊輝亦陪伴在側，應記者要求向太太獻吻。二人結婚多年仍然恩愛，合照時胡美儀仍會甜蜜地摸着丈夫的臉，而女兒送上新款智能手提電話做禮物，她即用來影相。毛俊輝表示太太生日，特別挑選一件靚衫，被笑問是否送香艷睡衣？胡美儀謂：「唔係，送咗一件啱我最近工作用嘅衫，幫我設計形象。」
胡美儀近年投入社會工作，設立工作室，專門為有需要的人做心理輔導，她表示近日疫情，多了人來找自己幫忙：「由3月至6月我見咗30幾人，一日內試過見5個人，估唔到有咁嘅反應。所以我生日願望係電台節目新改革，加設家庭成長輔導項目幫多啲人，亦希望搵過我輔導嘅人健康快樂。」而她亦正在進修有關的科目碩士課程。雖然工作排得密，毛俊輝一邊聽一邊表示支持太太。
胡美儀今日農曆生日於工作中渡過。
毛俊輝送上靚衫給太太做生日禮物。
毛俊輝大方向胡美儀吻賀。
胡美儀正修讀碩士課程。