旅居日本多年，近年回流香港定居嘅陳美齡，今日到灣仔會展出席《增房闢地專家獻策講座》。陳美齡指現在解決香港居住問題，是政府需要增闢土地，找地皮興建住屋，陳美齡話：「自己有好多激進想法，土地同改革，放棄土地用途，需要政府決心解決，因為我太多激進想法，所以會多聽取專家意見再改進。」陳美齡指身邊很多人給予意見，她說：「有啲人為咗小朋友讀書，而搬去住劏房，冇空間而要瞓地下。有夫妻要打工，花6年時間等公屋，被逼將小孩俾嫲嫲照顧，搞到小朋友唔接受父母，要花4年時間去教番好。」

颱風「飛燕」吹襲日本，重創大阪，陳美齡表示身邊朋友未有因此而傷亡，但很多住屋停電、冇水，陳美齡話：「有老人家嘅會較緊張，今年日本真係多災多難，要多關注環保。」陳美齡表示，30幾年前已關注環保，佢身為聯合國兒童基金會大使，留意到非洲、中東等地，因為缺乏可居住地及農地，引發戰爭不斷，她說：「因為缺乏農地，所以大家打仗搶地，係連貫性嘅問題。」

精選娛聞，喺晒《娛果》
http://fb.com/appledailyent