我求學期間參加舞蹈學會,一星期起碼要練5日,拉筋跑步轉圈做完又做。放幾日長假無練,之後練番,即有「唔夠氣」嘅感覺。
相對於跳舞,踢足球理應對體能、意志力同紀律要求更高。踢場波,起碼要45分鐘唔停走動,所以一個職業足球員平時嘅訓練,理應比我哋跳舞更加艱苦。
球員打響名堂後,金錢美女等好處自然湧埋嚟。如果球會唔對班球員嚴加看管,佢哋疏於練習,只會終日貪圖玩樂,典型例子有前車仔球員梅度變咗「毒王」;而「大哨」亦掛住食同拍拖,結果變「肥哨」,所以職業球員係唔「縱」得!
WENDY
由歐國盃EuroBabes,變身球彩台受歡迎主持。