填詞人陳少琪嘅囡囡陳明憙（Jocelyn），今日喺尖沙嘴舉行戶外Live Show，佢啱啱喺台灣推出咗首張專輯，今次係第一次正式喺香港演出：「雖然台灣有演出過，但返到嚟屋企表演始終都有啲緊張。」

囡囡話表演緊張，咁爸爸會唔會嚟支持？Jocelyn就咁講：「佢飛咗外地出席婚禮，有叫我拍片畀佢睇。」佢講笑話即使爸爸喺現場都唔會特別再緊張啲，因為自細爸爸都有睇佢演出。