法國駐港總領事館負責文化項目嘅蔡穎話，呢個展係Invader首個亞洲展，有約五十件作品，Invader會用港式藥房霓虹燈、李小龍功夫為題創作。
佢啲作品全部都一式兩份，一份貼喺街、一份攞去賣，今次五月展出攞去賣嘅版本，所以早前被政府拆走嘅作品，又有得再睇。
幫「法國五月」宣傳嘅林嘉欣上個月跟住Invader遊巴黎，了解佢嘅創作，引述Invader話全球只有香港移除佢嘅作品，嘉欣BB對此感到可惜。民政事務局副局長許曉暉噚日出席記者會時，被問到政府應否保留Invader作品時只稱：「到時會去PMQ欣賞展覽，希望圓滿成功。」