恒基千億新抱徐子淇，為李家陀緊第4個金叵籮，預產期都快到，佢不時擺相上ig，講陀B飲食習慣同家庭日，update吓近況。

噚晚子淇又出招，post了張陀住4個月BB、未見過街嘅相，相中佢着住白色長袖上衣同短褲仔行沙灘，親親大自然，微微凸起個肚仔，佢就留言：「4個月懷孕，當時肚還時小小的。」唔少網民都留言讚佢瘦、最美辣媽、最美孕婦。

其實，子淇之前都放咗唔同時間嘅孕婦相，佢陀B咁耐，靚足咁耐冇走樣，好似睇緊一本美麗陀B日記。