外界經常笑皇家馬德里嘅BBC中，基斯坦奴朗拿度鍾意扮大佬，得閒無事就怪加里夫巴利同賓施馬兩位拍檔唔助攻畀佢，但祖雲達斯之前一條防線嘅BBC，就好似親如手足。

今夏已經離開祖記嘅邦路斯，最近就同前球會兩位好拍檔基亞連尼、巴沙利，加埋中場馬治斯奧及其他朋友相聚，一齊食聖誕餐。

不過，邦路斯現時球會AC米蘭一班fans，似乎就唔多like佢呢個舉動，網上有人就鬧AC家陣成績咁差，邦路斯仲有心情同祖記班舊隊友聚餐，仲驚佢係咪覺得嚟到新球會唔對路，密謀緊返都靈踢波。A米啱啱上周作客吞護級球隊維羅納3蛋，及後傳出啱啱上任冇耐嘅教練加度素，諗住辭職，但球會就立即澄清係謠言。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM