【本報訊】自傘運後特區政府針對參與者檢控行動一直未有停止，近日律政司就公民廣場案提刑期覆核，黃之鋒、周永康、羅冠聰等「雙學三子」入獄，國際社會質疑香港司法獨立，曾任大律師公會主席的余若薇坦言對香港法治感擔心，然而余不認同、亦不希望港人覺得法治已死，「你一日越係話佢（法治）冇、越係話佢失咗效或者冇用，佢就真係越來越冇用」，指港人可指出判決的法律理據問題，「香港人監察、警惕係需要，但唔好咁早放棄（相信法治）」。

DQ案法院改對釋法態度

余若薇指，雙學三子案中，不少巿民都質疑「點解突然一個冇案底、冇用任何暴力、冇呼籲其他人用暴力、冇武器同任何肢體碰撞，成個過程中公開畀大家看到，目的亦唔係壞嘅人，會突然起刑係七、八個月計？」認為判刑明顯與過去有別，而上訴庭副庭長楊振權判詞中將佔中視為「歪風」，「個訊息就係話呢個係歪風，同埋要有阻嚇作用，咁你話我知呢個唔係政治訊息，係乜嘢訊息呢？」
余又指取消議員資格案中，人大在香港法院未完成審判已釋法，法院亦一改過去對釋法的抗拒態度，由過去自行演繹引用釋法範圍，變成現時照單全收，「人大釋法變成香港法統嘅一部份，成個金剛圈咁笠落嚟，你係冇乜選擇，就算我哋法官點樣想獨立都好，因為人大釋法一句已解釋咗」。
■記者林俊謙