今晚（5日）快活谷第6場4班1650米，姚本輝馬房「實在威」上場8.6倍喺郭能胯下後上凌厲跑入季軍後，今場即改配莫雷拉，表面上好似被雷神睇中搶走此馬，但郭能話原來佢係同姚本輝喺溝通上出現小誤會，自己記錯咗馬兒出賽日子，到發現嘅時候已經太遲，「實在威」已轉給雷神。

不過，郭能指出今場自己匹座騎大摩馬房的「銀城福星」亦具爭勝水準，佢話呢匹乃典型尺寸馬，衝刺力不能維持太久，發力位要掌握得好準確，一連幾場喺田草只能跑得接近，轉到直路較短嘅谷草，有權變身。而「實在威」亦有動靜，剛周日假期雷神特意到場替此駒彈草閘，鏡頭罕見，看來今仗亦鬥志如虹。