泛民諗住「佔領中環」，連蔡東豪今次都話要企出來，話「找不到理由閃避」。作為香港智庫組織「獅子山學會」創辦人之一既柏文BB，到底點睇今次「佔領中環」行動呢？

柏文BB就話，對於今次行動，佢有兩大疑問，第一係到底邊個改個咁衰既名，佢話「佔領」有短暫及過渡性意思，如果將佢改做「光復中環」就會好好多。「 今次行動我最大既疑問係邊個改名，邊個咁屎？ 」

第二就係，明明政府總部搬咗去金鐘，中央駐港官員於西環，依家中環得番銀行，咁點解今次行動要佔領既係中環呢？

不過佢補充，佢認同施永青於報章專欄上寫既觀點，話如果政府再搞小動作，香港人真係會絕望，甚至認為冇真普選係意料中事。所以中央要做一啲港人預期之外既野，去挽回香港人信心。

想進一步全方位了解下呢位「半進化型男」，請繼續留意今日《蘋果日報》財經即時新聞。