反東北發展案被判入獄的十三名年青人，最年輕的朱偉聰22歲，自小跟外公外婆同住。跟不少年青人一樣，絕少談及自己的事。「我記得學民思潮時，佢去擺街站，叫我『 婆婆，幫我拎物資到地鐵站。』」七旬外婆趙太回憶說。朱偉聰反國教開始參與社運，及後成為大專政改關注組發言人。學生罷課，雨傘運動，朱偉聰的身影開始為人熟悉；但在外婆眼中，他卻是一位最親密的陌生人。「佢好少講話。聽唔到（判刑）新聞仲好，一聽到我就眼濕濕，怕佢身體不好，在獄中難受。」入獄的第三個星期，外公外婆終於可以到壁屋監獄見外孫一面。

記者：程詩敏　攝影：李錦鏵　剪接：魏利民

外婆：冇人「搞事」社會邊會進步？

「有時我哋兩老講咗唔啱聽說話，佢會話『 你哋唔明架喇！』」外婆嘮叨是因為擔心，但偶有聽到街坊朋友批評，她仍會默默支持外孫，「有啲人會直接話佢『搞事』，我會話：『冇人搞事社會邊會進步？』以前我哋內地落嚟，開工開足30日，點解而家有五天工作？人哋幫你爭取咋。不過有啲人安穩咗，覺得（示威）冇用。」「我唔係鼓勵任何人參加示威，只係我個人睇法，有人批評，我就咁回應。」

外婆探監時叮囑阿聰要保重身體，因他患有遺傳病，小時候動過兩次頭臚手術，長大後氣管比正常人狹窄，睡覺時鼻鼾聲頗大，要定時用呼吸機紓緩，以免窒息。「我哋都好錫佢，特別係公公，佢睇到新聞會喊，因為佢老啦，但佢每日都會幫個孫疊被同埋換床鋪。」趙太說。

媽媽：他經常強調自己是香港人

「有人會話『 你唔了解個仔，又唔係同個仔住，唔怪得知你個仔搞成咁。』」豪邁樂觀的朱偉聰媽媽Lily，自言是個「扮堅強的媽媽」，探監時要在兒子面前強忍淚水，只說了一句「 你都知我會撐你架啦」。朱偉聰經常強調自己是香港人，很喜歡香港這個地方，「佢見到有弱勢就去幫，勞工，全民退保，之前碼頭罷工佢都在場，真係百足咁多爪。」

東北案第一次審訊時，朱偉聰跟母親說過：「估到會留案底，但做咗就承擔責任。」豈料完成社會服務令之後，律政司申請加刑，阿聰曾一度陷於惶恐之中。曾一起於學民思潮共事的好朋友黃莉莉說：「朱偉聰跟我說好怕坐監，唔想再行咁前。我問佢：『 你會為咗咩事坐監？』佢話：『全民退保。』我覺得佢真係好關心基層生活。」

「如果法官話媽媽可以代坐監，我寧願我坐，佢哋應該享受年輕人生活。」Lily說。在監獄一日，母親和外婆都嫌太長。Lily只有從阿聰朋友口中，聽到兒子以往的軼事，尋找一點慰藉，但她亦不忘勉勵關心此事的同路人：「我希望香港人，唔好因為判刑呢件事突然情緒高漲，要繼續監察這個政府。」