點樣可以將環保元素滲入生活？中電近期有新猷！有成14年歷史嘅大角咀廟會，中電嘅百變環保車首度參加，厲害之處係佢哋連同兩位環保代言人出動，就係教導小朋友慳電嘅「超人中中」以及對抗氣候變化嘅「力力隊長」 ，孖住上推廣節能同減碳。

呢架環保車除咗可以化身開放式舞台，進行講座、演講等，亦可變身為流動4D影院，播放由中電製作、有燈光、風同氣味效果嘅動畫，參觀者喺車上同時可以試玩3D環保互動遊戲，加深對節能減碳嘅認識。

今日出動嘅超人中中同力力隊長，就邀請咗小朋友參加3D填色遊戲同3D環保互動遊戲，鬥快收集環保賬單，推廣減少用紙同碳排放之餘，鼓勵市民轉用環保賬單。原來中電而家約有一成半客戶選用環保賬單，相等於每年減少砍伐約600棵樹㗎嘞。