當年今日
關於我們

  中華慈善獎名單中見真英雄 - 李八方

蘋果日報 2005/11/21 08:00


兩間香港企業、十二個香港人、兩個澳門人獲得中央表揚,名列中華慈善獎一百一十六個得獎名單上。顧名思義,呢個獎係表揚過去曾經喺神州大地做過賑災、扶老、助殘等貢獻嘅人士同企業。呢壇嘢係中國民政部設立嘅,中央相當重視,由國務院副總理回良玉主持。
大家合埋眼都會估到,香港有啲咩人會得獎,之唔係李嘉誠、霍英東、邵逸夫等等囉。企業方面,就有滙豐銀行同埋合和實業。不過,有啲名字,大家都未必好熟識,例如陳梁悅明,佢係山東省政協委員,亦係香港盲人輔導會嘅行政總裁,佢嘅貢獻唔係搵搵埋埋捐咁啲出嚟咁簡單,而係長時間致力改善香港同內地失明人士嘅生活,係一大群富豪名單中,比較特別嘅。

傳真︰2623-9278
電郵︰[email protected]