曾參演杜汶澤擔正港產片《3D豪情》嘅AV女優麻生希，2016年已傳來佢涉毒被捕消息，上年11月佢突然於Instagram預告自殺，留言「永遠地和大家再見」，表示被誣衊再吸毒，加上同經理人之間嘅糾紛，揚言以死證清白，待死後警方解剖就可證明佢冇吸毒。

唔夠半年，原名島崎彩嘅麻生希再因藏有大量毒品被捕。據消息指，當地警方接到線報於上月20日在麻生希位於目黑寓所搜出大量毒品包括可卡因、大麻、迷幻藥以及吸毒器具，懷疑做埋毒品拆家，同居一名27歲無業男性高畑愛平亦當場被捕，麻生希已認藏毒罪。

麻生希今次被捕，遭公開原名及真實年齡為33歲，與報稱嘅29歲有四年出入。其實麻生希近年舉動神化兼走樣，佢喺在Instagram不時上載古怪圖片，香閨擺放有頭骨擺設及滴蠟四濺，網民估計佢因吸毒而導致行為異常。

精選娛聞，喺晒《娛果》
http://fb.com/appledailyent