當年今日
關於我們

PizzaExpress × Green Common 齊齊做素 驚喜薄餅Cook Off 第二回

蘋果日報 2017/06/14 11:30

流行Gossip

唔好以為食素就係好寡、冇乜野食,其實素食係可以千變萬化㗎!PizzaExpress就夥拍Green Common舉辦左PizzaExpress Cook Off廚藝挑戰賽第二回,雙方派出兩位重量級嘅名廚,以獨創嘅滋味素食薄餅進行大比拼,切磋廚藝。

挑戰賽首階段於早前喺尖東帝國中心嘅新分店舉行,當晚邀請左PizzaExpress嘅產品研發經理鄭慧芝Sophia同素食私房菜「素韻」嘅行政總廚素媽媽Christine即場獻技,示範製作出兩款以Beyond Meat植物肉入饌嘅風味薄餅,再俾近百位來賓即場品嘗,然後投選出佢地嘅心水滋味薄餅。

大廚Sophia以獨門創作嘅「植物雞羽衣甘藍醬薄餅」出戰,由Superfood羽衣甘藍、合桃、橄欖油同巴馬臣芝士調配而成嘅羽衣甘藍醬均勻咁舖滿薄餅上面,然後放上經迷迭香、蒜蓉油調味咗既植物雞,再放埋意大利軟芝士、車厘茄同合桃拎去一齊焗,最後仲會灑上羅勒同羽衣甘藍醬,味道層次非常豐富,植物雞食起嚟嘅仿真度超高,令人忍唔住想食多幾件。

而茹素多年嘅素媽媽Christine就以「泰式植物漢堡牛無花果薄餅」對陣,薄餅上塗咗紫紅色嘅紅菜頭醬,再灑上主角植物漢堡牛肉同無花果,仲有水牛芝士、意大利軟芝士同羅勒,最後用蕃茜點綴,賣相靚到要即刻影張相先,一咬就feel到植物漢堡牛肉用咖哩粉同泰式青檸葉醃過,充滿住泰式風情,非常惹味。

兩位大廚所炮製嘅薄餅都各有千秋,令在場賓客難以抉擇,最終由Sophia以些微嘅票數勝出當晚嘅挑戰賽。不過呢個回合仲未結束㗎,因為仲要靠你投票!由即日起,你可以去到指定嘅PizzaExpress分店,品嚐到呢兩款期間限定嘅素食薄餅,藉此投選出你最鍾意果一款,賽果喺7月下旬就會喺PizzaExpress嘅Facebook上公佈啦!(特約專輯)

供應分店:
尖沙咀麼地道68號帝國中心G31-33, 49-51號舖(尖東分店)
尖沙咀彌敦道132號美麗華商場2樓2005號舖(尖沙咀分店)
灣仔永豐街23號地下至1樓(灣仔分店)
中環威靈頓街97號地舖(中環分店)
香港國際機場第7層離境大堂7E124號鋪(機場分店)
empty
empty
empty
empty
empty