【受惠黃色經濟圈】渣哥遭網民質疑賺完就算 FB出長文霸氣反擊
譚小環蔡強榮渣哥
一向喜歡港式小食的譚小環,2014年獲老公蔡強榮(渣哥)打本在銅鑼灣開了小食店,貼地賣魚蛋和燒賣。由去年年中開始的社會運動,他們的店舖亦一直無私撐學生及抗爭者,令「渣哥」成為同路人經常懲罰的黃店。不過最近,卻有網民質疑渣哥受惠於割席事件,在逆市中開餐廳,卻沒有回饋手足,搞到渣哥亦忍不住要發長文逐點反擊。
渣哥今日以「面係人哋畀」的標題,在小食店的FB專頁中回應質疑他的網民,渣哥先表示自己一向尊重言論自由,故隨這名要「護主」的網民在其專頁留言,不過因該人「開名」來挑機,故最後只能在不情願的情況下應酬一下。
對於該網民質疑渣哥是否有聘請手足,渣哥就指不是所有人都會在幫助別人後大事宣揚:「唔係個個幫咗人,都鍾意日日出Post講,慌死無人知,個世界唔係只得一款人,你知道嗎?我從來唔收捐款、唔收貼士,亦從來無講過話因為需要請手足,幫手足,所以需要乜乜乜⋯⋯」而渣哥又霸氣地反問該網民,若自己有人證、物證去證明有聘請和幫助手足的話,他是否能捐錢給幫助手足的基金或其他地方。
提到被質疑沒有派口罩一事,渣哥就指早已訂購了口罩,但至今仍然未收到貨,並謂就算要派亦會低調處理,而他又再單挑該網民:「照上面我所陳述,如果我講大話,我再捐多10萬又得,100萬又得,相反如果我有齊人證物證嘅就你再捐,好嘛?」
今年2月,渣哥在九龍灣開設茶餐廳,不過被該網民指受惠於割席事件,渣哥就寸爆地話:「你意思係話我開到間餐廳係因為割席?咁我依家同你割席,你開間畀我睇吓,好嘛?我有無講過好窮,叫人同情我?我有無講過做緊蝕本生意,無錢賺?我有無講過負資產,周身債?如果無,咁我正正經經,專心專注做生意,賺到錢開多間茶記,有咩問題呀?要同你交代?」渣哥指今次肯「畀面」回應,主要有兩個原因:「其一係渣哥一向處理錢銀均真,數目清楚,君子愛財,取之有道。其二就係希望你識得咩嘢叫做人貴自重,希望你唔好無的放矢,喺我專頁度開我名Challenge我,學識分吓莊閒,學識基本禮貌去尊重別人。」而渣哥最後亦再一次奉勸該名網民不要再自取其辱及隨意抽水,更勸他在疫情其間,應「返屋企早啲抖」。
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
渣哥與譚小譚開設的小食店,由去年的社會運動開始,便一直支持同路人。(資料圖片)
有網民質疑渣哥在黃色經濟圈中賺錢,卻沒有回饋手足。(FB圖片)