混血模特兒AliceB.今日喺尖沙嘴出席世界盃活動，Alice自爆早前搭的士時，唔小心跌咗手機，佢話：「我當時冇飲醉酒，只係太早起身，自己喺度發白日夢，好似AliceinWonderland。」咁都俾佢拉自己上個名度，勁呀！

咁Alice電話入面有冇秘密或者性感照先？Alice笑言自己乜都會同人講，所以冇咩秘密嘢喺電話入面，又話：「最多會有一啲頑皮照，我鍾意收藏性感內衣，所以都會有一啲性感內衣相，但冇裸照。」

就快返英國探親嘅Alice仲透露，會留喺嗰度個幾月，陪媽媽之外，都會同舊同學見面，同搵兼職賺外快。