有消息指，政府有意推出徵收物業空置稅，以及考慮在賣地合約增設條款，訂明新盤落成後須在某期限內售出某比例單位。地產建設商會執委會主席梁志堅強調政府要三思而行，考慮實際情況，加上同有關人事研究才實行，「唔喺閂埋自己傾就算」。他又建議政府要制定短期、中期及長遠的計畫，不過計畫推出前就要諗埋收尾，以已推出一段時間的辣稅為例，如今無可能撤回，因為一撤回樓價又會好快咁升。

被問到空置稅對發展商所造成的影響，他就指，「發展商好實際，有得做就做，無得做咪唔做，而大型地產商喺on going，地價貴又咁樣賣，地價平又咁賣，個市弱又喺咁賣，有個需求，無個需求咪唔做囉，做少啲囉。」

對於在賣地合約增設條款，他指出實際上現時一手例已有相關的制度，規定公布價單的數量，「不過都可以收緊啲，但就以實際情況去收緊，不過就喺頭痛醫頭、腳痛醫腳；發覺呢輪有啲(發展商)逐間逐間拎出黎賣，如果真喺要認真實行，第一日就要決定有系統咁去做。所謂英明的政府有個計劃，唔喺我(政府)今日發覺咩，我(政府)就做啲先啦，好多野會影響到。」

蘋果財經，關心你飯碗
http://fb.com/appledailyatm