陳浩民、麥長青和曾樂彤今日在將軍澳出席慈善糖果義賣，麥長青和陳浩民當年拍攝《西遊記》時，前者飾演沙僧，後者扮演孫悟空，多年來大家一直以師兄弟相稱。今日二人難得在工作上再聚頭，他們即刻又閒談何時再合作，陳浩民表示幾次邀麥長青拍戲，可惜對方無期，麥長青說：「我好想拍佢啲戲，因為套套都收得，佢而家係網大王子，收視保證呀，我而家等緊佢搵我，度個期度個故仔，我哋兩兄弟拍，（咩題材？）其實佢一直拍緊《西遊記》，但欠缺咗沙僧，我可以入番去㗎。」

陳浩民說：「搵佢拍《西遊記》佢撞咗期，之後《天龍八部》佢又唔得。」他更坦言如能原班人馬重拍《西》劇，除了大家有份情義外，觀眾亦有份回憶，「我哋食餐飯，又話《傳真機》回憶返晒嚟。」提到日前《閃電傳真機》一眾成員在台式火鍋店遇上90年代經典處境劇《卡拉屋企》演員聚會，當中楚原都有現身，麥長青說：「佢好精神，仲逐個點名，麥包、芷珊、譚玉瑛，好開心！」

至於曾樂彤表示以前曾參與賣旗，早年更到廣西參加助學探訪活動，除了幫手搬運物資、床褥外，還親自下廚給當地小朋友，「我唔係地獄廚神，我成日煮嘢畀自己同媽咪食，最叻白烚、焗，落少少調味粉，最主要原材料，跟住蒸或者焗，平時我都係食火腿蛋飯。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef