吳若希今日去到新城宣傳新歌《為何你要背叛我》，首歌講兩人感情之間需要坦承而做到互相信任。吳若希自爆仍然係拍拖階段嗰時，發現仲未係老公嘅「澳門闊少」Alex感情上背叛自己，當刻整個人似瘋癲一樣，佢話：「我記得係拍緊嘢，喺一廠出面不停打電話，因為對段感情越認真，就越對背叛嘅事上心。」

至於當初怎樣重建對丈夫信任？吳若希稱：「我都想知。可能陀BB嗰陣我幾無理取鬧，例如朝早六點要食炒飯，唔鍾意間新屋，直情冇住就搬去第二間，嗰一下就覺得可以付託畀佢。」除咗老公之外，吳若希透露另一段感情亦曾遇到背叛，佢笑住話：「對方已經消失天地之間，希望佢學習到一啲嘢以後生生性性。」

日前吳若希爆呢單：
【積極造人追多個】試咗成個月都未得 吳若希：老公唔勤力都冇計
https://bit.ly/2Oc779S

講完感情話題一跳就跳去講馬，吳若希話早前佢同一班朋友夾錢買咗匹馬，該馬已出賽多次，但僅一場入到頭四名，佢希望將來經濟許可時再買多一匹。

精選娛聞，喺晒《娛果》
http://fb.com/appledailyent