入行40年嘅賈思樂向來鮮有緋聞，但月初舉行音樂會時，被「大姐明」林建明爆料話佢追求過陳玉蓮，賈思樂承認有但時間唔長，之後大姐明又追問兩個有冇上過床？全場觀眾大笑，賈思樂即打圓場話﹕「佢(大姐明)夠鐘食藥。」(新聞連結： http://bit.ly/2sE3kHP )

賈思樂日前接受商台訪問，終於承認曾與陳玉蓮拍拖，但戀情是發生在蓮妹與周潤發分手之後：「係，當然係發仔之後喇，你想我死咩！我唔知道係咪應該用『Dating』嚟形容，都算拖過手，係好短時間，but anyway始終我哋覺得做好朋友更好。」

近年陳玉蓮淡出幕前去修行，但行為被指好古怪，賈思樂話都曾經出於關心咁問過蓮妹，佢話：「我有問過佢，佢話『Louis你要信我，我唔係加入咗乜嘢邪教。0依家我所做嘅係我一生中最鍾意做嘅事，唔係做戲、唔係登台。我好希望可以建立一個慈善團體，組織一班年輕人到中國扶貧！』於是我話：『得喇，蓮妹！最緊要係你開心，我相信你！』。」