由美國導演保羅菲（PaulFeig）執導嘅女版《捉鬼敢死隊》（Ghostbusters）今日於新加坡舉行記者會，保羅菲同女主角之一嘅瑪莉莎麥卡菲（MelissaMcCarthy）一齊出席。

瑪莉莎被問到與型男「雷神」基斯咸斯禾夫（ChrisHemsworth）合作如何？瑪莉莎表示：「知道要同他合作後心情好激動，第一次見基斯為表對他尊重，我要矜持扮冷靜，所以大家都好平和，除了LeslieJones之外。」瑪莉莎又勁讚基斯比想像中好笑得多，係佢合作過最好笑嘅男演員。瑪莉莎透露基斯好健談，一講起音樂基斯更會即時唱歌，令她要阻止基斯說：「你都係唔好唱，會令我諗多咗！」

導演於記者會透露為咗令主角同「鬼」有多點交流，盡可能會搵演員扮鬼，着戲服及化妝，之後先加CG效果。佢表示明白好多影迷好重視呢部經典科幻電影，怕佢會將經典拍得差，他勸影迷：「去看電影吧，世界自有判決。」
瑪莉莎撐導演完全知道應該如何拍此戲：「佢拍過《最爆伴娘團》（Bridesmaids）及《凸務MADAM》（SPY），係拍喜劇高手。」

瑪莉莎亦指開拍時同其餘三位成員Leslie、KristenWiig及KateMcKinnon相處好融洽，佢同導演好似兩個11歲的大細路，有啲笑話只有佢哋兩個識笑。