政府噚日公佈由廣管局同電訊管理局合併而成的通訊事務管理局（通訊局）主席同成員任命，由現任廣管局主席何沛謙擔任主席，另有兩名傳媒猛人做委員，包括資深傳媒人郭艷明同「吉叔」黃應士。

郭艷明除咗有多年傳媒經驗，亦曾喺馬會做公關；早喺2010年起，做埋政府廣管局委員，舊年仲幫早排鬧爆狼振英嘅星島集團主席何柱國搞財經網。「吉叔」黃應士更加猛料，除咗有傳媒之父之稱，舊年更公開就李克強訪港期間嘅採訪安排鬧爆政府，呼籲傳媒杯葛政府新聞處，包括傳媒機構要罷用政府「鱔片」和「鱔稿」，喺呢行可算相當有地位，相信會喺通訊局內繼續敢言作風。