噚日係農曆七月初七，相傳牛郎與織女喺呢日先可以見面，世人稱為七夕情人節，台灣天王周杰倫亦趁機喺fb放閃，上載佢同結婚三年嘅老婆昆凌合照放閃。

周董同昆凌結婚三年，育有一對子女，噚日趁住七夕節，周董就上載咗兩公婆嘅合照，但就有網民見到過份皮膚光滑，矇豬眼變咗又圓又大眼嘅周董，就質疑周董係咪過份P圖！相中，見到昆凌用手搭住周董，伸脷斜望住老公，只有24歲嘅昆凌，見佢皮膚白滑，網民當然唔會質疑，但見到着住黑色衫嘅周董，都好俏皮咁挑眉望鏡，留言話：「這張照片，我怎麼像影迷在跟偶像拍照的感覺，是衣服的關係嗎？還是臉的關係⋯⋯哈哈，祝大家七夕情人節快樂啦」。

而昆凌亦轉發老公嘅貼文，好鬼馬咁留言話：「哈哈，明明私底下就是說快比我年輕該怎麼辦。祝大家七夕情人節快樂啦！」兩公婆公開網上調情，當然吸引好多網民留意啦，有網民就留言話「當然是臉」、「好啦應該是髮型問題」、「嫂子本來就是偶像」；也有人發現周董過份P圖，打趣說「沒想到哥也會修圖啊」、「你的濾鏡到底怎麼回事」、「好像回到18歲」、「眼睛是不是變大了」。