蔣雅文舊緋聞男友李逸朗（Don）最近唱哭腔版《儍女》人氣急升，昨日他在北角出席一個剪綵活動，重遇十一年沒見過面的舊公司歌手趙頌茹（阿Yu），阿Yu表示知道李逸朗翻唱《儍女》，在場的李逸朗即自嘲說：「我都知《儍女》遲早做到世界級。」

舊緋聞女友蔣雅文嫁人了，但新郎卻不是他，網上曾傳出李逸朗因刺激過度才會哭唱《儍女》，昨日他對此說法沒正面回應，僅說：「其實我有留言畀佢，但我啱啱知佢身體唔舒服，好似話康復緊。我會傳短訊畀佢，關心吓佢，睇吓佢身體狀況點。」問Mandy結婚有否通知他呢？李逸朗笑笑口反問：「佢結婚點解要話我知呀？佢揀得呢個老公，呢個老公一定係好識得關心佢。」
採訪、攝影：王連連