上季爭升班功虧一簣嘅諾定咸森林,今季表現對辦排榜首,近6場聯賽5勝1和,當中3場作客波有2勝1和。今周中作客排名下游、近6場聯賽輸5場嘅般尼茅夫,睇嚟又可繼續全取3分,可敲森林小勝1:0。
尾2球隊賓福特主場迎戰唐卡士打,睇賓福特今季表現,護級前景唔太樂觀,連續13場聯賽不勝;但佢哋喺主場都叫做有一定搶分能力,9戰只輸過3場,只係成日和波失分。唐卡士打正係目前英甲聯「和波專家」,博1:1可也。
「包尾大幡」奧連特今輪迎戰巴拉福特。其實目前以18戰得15分嘅奧連特,僅落後尾5球隊車頓咸3分,但少打一場,今仗只要贏波,隨時彈出降班區域;奧連特今季主場聯賽9戰亦只輸過兩場,巴拉福特客場聯賽兩連敗,不妨捧奧連特小勝1:0。
文:華度