最近台灣嘅天王、天后輪住病病，好似農曆新年時蔡依林就因病毒感染住院，周杰倫喺香港開演唱會期間就失聲，真係禍不單行，而正在趕拍驚悚片《魂囚西門》嘅「雨神」蕭敬騰，亦因為受風寒，前晚要由經理人兼緋聞女友Summer攙扶下去睇專科醫生。

前晚台灣《蘋果》就影到蕭敬騰喺中山區某商業大廈拍戲，現場守衛森嚴，至晚上8時許，蕭敬騰收工後迅速離開片場，當時見到佢就Summer同助手扶住上保母車，直奔大安區耳鼻喉科睇醫生。見到老蕭敬騰戴口罩迅速下車，助理亦步亦趨在旁扶住佢，心急如焚嘅Summer跟前跟後幫忙掛號、照料，睇嚟佢不僅係老蕭事業上最重要嘅女人，亦係佢私生活嘅支柱。Summer回應時話，老蕭一直都有眩暈問題，下車或走下舞台，一定要有人拉住或攙扶。

其實過往蕭敬騰亦有透露過，佢本身有貧血毛病，平時就連上下車或搭乘電梯都會暈眩，不過，個性陽光、活潑好動嘅佢，不喜歡被關注身體狀況，醫生曾建議佢唔適合做劇烈運動，但酷愛籃球嘅佢，總愛往球場上跑，因此，他每次打球，經理公司都會派人到場守護，呢次老蕭感冒不適，亦都係搵番佢睇開嘅李平醫師，據悉，名醫李平是許多名人的指定醫師，就連已封麥的歌后江蕙，生病也會找李平求診。

之後老蕭亦喺fb向歌迷報平安，並寫下「小感冒、沒事多喝水…」。而今日就係老蕭嘅31歲生日，去年佢就就豪花3500萬台幣買名車獎賞自己，問到佢今年送乜生日禮物俾自己，Summer就以三個鬼臉作回覆。據了解，老蕭今年生日並未有假放，佢會飛去深圳繼續工作，下星期就會去澳門開工。

精選娛聞，喺晒《娛果》
http://fb.com/appledailyent