當年今日
關於我們

【UGL案】建制唔使鄭若驊解釋 田少諷指「唔使咁驚青」

蘋果日報 2018/12/18 00:15

鄭若驊保皇黨建制派田北俊律政司法治

雖然特首林鄭月娥聲言,律政司司長鄭若驊樂意到立法會解釋不檢控決定,但部份建制派議員卻指沒此必要,田北俊直言:「有啲建制派議員話覺得(鄭若驊)解釋都唔使解釋,我覺得係害咗成個司法嘅公信力,同埋都害咗律政司,可能佢真係解得掂呢」,更指建制派在立法會佔多數,「從保皇黨角度講,(根本)亦唔使咁驚青」。
田北俊認為,鄭若驊到立法會解釋,有助坊間了解律政司的決定,就算是建制派也可「幫手問嘢」,「可以問到鄭若驊答到,點解呢個個案唔使處理、唔使攞獨立意見...建制要護航就護航,泛民要批評就批評」,「如果佢(鄭)話唔使查、冇事就冇事,咁係累咗我哋建制派喺市民心目中嘅形象」。
田指出有別於其他內地城市,香港的法治仍具公信力,警告指:「如果人哋好多嘢質疑你哋(香港司法)圍威喂嘅話,仲點可以令到香港喺中國咁多個城市入面,仲係唔同呢?...就係香港仲有法治,令到外商仲想喺香港做生意」,相信中央政府都會關心此事。
記者 許偉賢
empty
鄭若驊尚未承諾在立法會交代事件,有建制派已指沒必要解釋,田北俊批評有損法治。朱永倫攝