當旺馬房沈集成昨晚（28日）又起孖，在第二場先勝出「永益善」，最後再以「海利多」食尾糊，目前只差兩W便追平排第二的新人王羅富全。

為追逐華倉一哥寶座，呢個出名鬥志旺盛的沈集成馬房，繼續在晨操磨刀霍霍，密謀發動下一輪攻勢。

在今（29日）早上，沈廐下周一（4月2日）第十場「按得澄」交由最新見習生黃俊出試，第九場「飛越峰」則由潘明輝策騎，先後各自在千八米草地快跳考驗800米，倉主成哥則在烽火台頂樓霸住個靚位，舉鏡金睛火眼盯緊整個操練過程，動態積極異常。

溫故知新，「按得澄」同巫顯東及「飛越峰」與潘明輝分別在3月11日的賽事勝出，今次上述兩駒同樣安排由見習生押陣，可能食過翻尋味，且看練馬師如意算盤能否打得響。