郭能上季只贏17場頭馬，搞到今季只獲發半季騎師牌照。雖然佢號召力唔多夠，仲畀人笑分韁動作大而無當，但開季已經睇得出佢心急，四場亞軍嘅成績並不太差。

佢老哥在港已經九年，香港身份證要拎都拎得到，孭住有四個化骨龍嘅一頭家，梗係想穩穩定定繼續響香港發展事業。

明日（21日）郭能雖然只係得四匹座騎，但實力唔曳喎，仲有機會憑第二場四班1000米草地，方廐「如真如假」打開勝利之門。計同場對手，佢揸住55秒57嘅最佳時間，睥睨同儕不言而喻！

上場跑泥地，但性能就唔算好超卓，結果跑呢個第二係好勉強，方仔即刻低頭，今場跑番最耍家路程，復課狀態有進無退，贏面應該好大。

第五場四班140米草地，「熱血鬥士」上場杜美爾發揮都未算好好，最後200米騎上嚟嗰陣，只要平衡力好嘅就可以彈甩對手，唔使畀人告咁提心吊膽。

「熱血鬥士」贏馬後留響四班當然着數，繼續跑1400米就同阿棟諗法有少少出入，我就認為呢匹馬跑一哩仲勁，不過都係信告仔部署，至於今場換上田泰安，孭磅重咗加埋排14檔，不利條件好似多咗，但既然馬超級仲可以換來更好分頭，咁就更加值博。

第九場三班1200米泥地，「瑩之光」呢匹61分馬上場跑草地無段好睇，好多人都認為等落班先搏喎，但今次轉跑泥地就唔同講法。

睇番呢匹馬跑泥地三次得1Win2P，反而一去到三班跑草地就唔夠班，今次揀都揀場泥地跑，有埋一檔幫手，唔大打真軍你都唔信啦！

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港