唔係個個建制派都怕講英文嘅，起碼喺英國浸過鹹水嘅民建聯立法會議員周浩鼎（Holden）就唔怕，亦似乎唔怕被人話勾結外國勢力。

Holden近日喺立法會失咗蹤，原來應邀去美國華盛頓出席反恐及反洗黑錢工作嘅相關會議。佢發言時表明香港積極配合國際要求，去年就通過修例打擊到外地接受恐怖主義培訓等，Holden話覺得美國工商界相當重視香港，亦表明唔會因為近日有謠言抹黑香港已失去一國兩制，從而對香港失去信心喎。

Holden繼而引述，主辦一方話想喺香港舉辦類似高層次會議，佢話返港後一定會向政府反映。唔知自覺由特首外訪先最權威嘅林鄭，覺得Holden夠唔夠班外出「唱好」香港？