鄭希怡（Yumiko）今日精神奕奕現身機場，準備啟程返家鄉上海，此行是為香港開電視拍攝全新旅遊節目《神奇旅俠》，10日拍攝時間，Yumiko會以踏單車方式走遍兒時出生地及成長地方，又會尋覓家鄉美食。Yumiko表示近年父母多數留港照顧孫女梁浸浸，所以自己都少了返上海，她說：「今次會帶埋囡囡返去，佢聽日同我爸爸媽咪出發，佢哋巳經安排好一連串活動畀個孫，去動物園、學畫畫同上海話，佢而家識聽幾句，唔想佢唔識呢種語言。」她希望拍攝順利，到時能抽空會合囡囡及父母。

對上一次拍攝旅遊節目，經已是初入行時跟吳浩康一齊拍攝，那次更是出發後才知道要玩笨豬跳。Yumiko笑指今次要扮文青踏單車拍攝，但自認踏單車技巧麻麻，唯有全程響住「鈴鈴」叫人迴避，兼且上海烈日當空，事前要做足多重防曬準備。問到老公梁學儲會同行？她說：「佢唔會去。」當笑指老公豈不是有10天大假，她聞言即作出呼籲說：「大家幫我睇住佢，轉頭Send張相、車牌資料畀你哋，大家幫吓眼唔好放過佢、監視佢。」問到她是否驚老公曳曳？她笑說：「又唔係驚，以防啫。」當指她的老公走不出她五指山時，Yumiko指做人不要過滿，雖然要有自信，但朋友間都要互相照顧。

-----------------------------
7月4日起 《蘋果動新聞》只限升級壹會員閱覽
繼續撐蘋果！