早排參加新界東立法會補選時，因為宗教行為同言論「出位」，成為網民熱話嘅趙佩玉，今早「重出江湖」，同黃之鋒爸爸、性傾向條例家校關注組召集人黃偉明，現身特首辦示威，向娥特遞信。

趙佩玉話喎，十分關注娥特剛剛委任咗兩位終審庭法官一事，因為根據佢所得資料，兩位新獲委任女法官曾公開支持同性戀性解放運動，認為娥特委任佢哋出任終審庭法官，會對香港影響深遠。

今早較平時遲咗出嚟見示威者嘅娥特，唔知係咪趕時間，見到趙佩玉同黃偉明時，好快手將請願信收咗後，就遞咗畀助手，過程前後只有約5秒，亦唔見停低同兩人交談。

《蘋果》沙士15周年系列網站，正式登場：
https://hk.feature.appledaily.com/sars15