林峯的緋聞女友鍾嘉欣沒有在其頭場演唱會出現，不過兩人的戀情卻成為全晚焦點之一，當嘉賓農夫及王祖藍合唱《風生水起》時，王祖藍鬼馬地把原有rap的歌詞改為「阿峯好男人，過幾年過身，唔係，係結婚，阿峯大情人，老婆係鍾嘉欣。」林峯聞言即面露尷尬笑容地說：「多謝你幫我搞氣氛，農夫作埋啲咁嘅歌詞，多謝晒喎。」

第一次獻千嬅

之後林峯介紹女嘉賓出場時形容：「好多謝有好多人參加我嘅演唱會，以下有一位嘉賓，拍劇時我哋做情侶，佢唱歌又好聽。」當眾人以為是鍾嘉欣時，原來卻是楊千嬅，林峯笑說：「大家唔記得，我嘅第一次係畀咗千嬅，我哋喺《寵物情緣》中係扮情侶。」雖然出場的並非觀眾所想的鍾嘉欣，不過千嬅和林峯合唱時依然掌聲不絕。
採訪：胡比
攝影：陳慧安、陳俊強