坊間常說「體育不應牽涉政治」，但簡單如球衣的顏色，亦有機會跟政治掛鈎。Tony透露，自去年反修例運動起，在中國廠房印製黑衫有一定風險，更擔心勵志標語隨時變成敏感字眼，故接下訂單前也難免自我審查。

放眼全球，黑色也是受歡迎的顏色之一，因此有不少球隊選擇客隊球衣時，也會向黑色投下一票。尤其在室內運動館稀少的香港，有不少在戶外硬地練習的球隊也會選用黑色訓練服，避免衣服秒速變得殘舊。不過，自從去年六月的反修例運動起，香港人經常black bloc走上街頭，因此黑色似乎逐漸變成禁忌顏色，作為球衣店東主的Tony，無奈指出接下訂單前難免自我審查：「大陸廠房收到消息，如果件衫係黑色或者有敏感字眼，俾相關部門查到嘅話，就有好大問題。相關部門會向源頭追究，可能會即刻封廠，所以我哋唔敢博。」

何謂敏感字眼？Tony直言沒有清晰指引，但他卻擔心球隊在衣服印上勵志標語，也有機會被指違規：「我問咩係敏感字眼，佢都唔知道。有時候球隊要印『遇強越強』、『永不放棄』等字句，但我哋都唔敢博。」港人有自由消費的權利，自然會選擇能滿足自己要求的商店購物，Tony承認不敢冒險在黑衫印上勵志標語的情況下，生意確實受到影響：「我哋建議客人印英文，有啲熟客都肯繼續支持，但有啲人覺得我哋做唔到就搵第二間，都冇咗一部份生意。」

記者：許嘉明

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
--------------------------------
《體蘋果》陪你睇波講波

https://www.fb.com/appledailysports