【本報訊】前日港島多區爆發多宗警民衝突，一名被指「疑似唐氏綜合症男患者」遭防暴警察制服嚇至跪地求饒的短片在網上瘋傳，有人留言指「智障都唔放過」，大抱不平。

facebook專頁「勞工組」事後代澄清，指事主並非智障人士，希望大家「不要再傳/刪帖，避免事主的工作受到影響」。對於放工回家無端遇防暴被壓在地上、又糊裏糊塗成為一夜「網紅」，本身做IT工作的吳靈豐感到無奈，自言不擅辭令性格內向，對於被指智障深感困擾。

性格內向　受事件困擾

該澄清帖文指，「多謝各方關心，本人無恙。就昨日被捕，被指智障，全不符合，身體以及智力，完全正常，並沒有智障，本人一向是內向性格，少接觸人，昨日基於本能反應，昨日報導（道）已經受到困擾」。聲明並希望「巿民大眾在日常生活中，不要對任何人有歧視，不要覺得異類就是有問題，尊重人有不同面貌」。

吳靈豐事後透過電話接受訪問，自言是黑衫惹的禍：「我嗰日喺上環做嘢，放工諗住行路去銅鑼灣坐小巴返黃大仙，但到處封路，行到去灣仔近循道衛理，就突然有兩個速龍衝出嚟，叫我趴喺地，可能因為我當時着黑衫啩？」

由於事出突然，自言「食過催淚彈」又是遊行常客的他腦海一片空白，好自然就「嗌阿媽」，事後未被起訴，但回家上網方發現成為主角：「互聯網講咩都好，係大家嘅自由，但你話我智障，係咪有證據？如果拉嗰個係你，係咪可以咁鎮定吖？」
■記者呂麗嬋